იმერეთის გუბერნატორის კომენტარი ჩინოვნიკების ახალ მანქანებზე

იმერეთის გუბერნატორი გივი ჭიჭინაძე ქუთაისის საკრებულოს მიერ თავმჯდომარისათვის ახალი მანქანის შესაძენად ტენდერის გამოცხადების ფაქტს ეხმაურება.
გუბერნატორის თქმით, მან დაათვალიერა საკრებულოს თავმჯდომარის დავით დვალის ამჟამიმდელი ავტომანქანა. როგორც გივი ჭიჭინაძე ამბობს, ძველი ავტომანქანის ხარჯიანობიდან გამომდინარე, ახლის შეძენა გამართლებულია.
„დაახლოებით 5 600 ლარია დახარჯული მის შეკეთებაზე ბოლო 5-6 თვეში. ახლა ძრავი აქვს შესაკეთებელი, რაც 3 000 ლარამდე ჯდება,“ - ამბობს გივი ჭიჭინაძე.
რაც შეეხება თერჯოლის გამგებლის მიერ შეძენილ 30 000 -ლარიან ავტომანქანასა და საჩხერის საკრებულოს თავმჯდომარის მიერ გამოთქმულ ახალი მანქანის შეძენის სურვილს, გუბერნატორი ამბობს, რომ ის აღნიშნულს გაეცნობა.