წარუმატებელი ძარცვა სოფელ ზეინდარში

ვანის მუნიციპალიტეტის სოფელ ზეინდარში, "ლიბერთი ბანკის" ფილიალიდან სეიფი გაიტანეს. შემთხვევა გუშინ მოხდა. როგორც Topnews.com.ge-ს განუცხადეს, გამომდინარე იქიდან, რომ დღეს პენსიები უნდა გაცემულიყო, ბანკში ფული მიიტანეს, თუმცა შემდეგ ფული ფილიალიდან ისევ უკან დააბრუნეს.
"ეს ფილიალი სოფელ ზეინდარში, ბაზართან მდებარეობს. გუშინ ფული მიიტანეს, მაგრამ ფილიალის ადმინისტრაციამ ფული უკან წამოიღო. ფილიალიდან სეიფია წაღებული, რომელიც ცარიელი იყო. როგორც ჩანს, მძარცველებს მასში ფული ეგონათ," - განაცხადეს Topnews.com.ge-სთან საუბარში.
მომხდართან დაკავშირებით სოფელ ზეინდარში, დღის განმავლობაში საგამოძიებო მოქმედებები მიმდინარეობდა.