ლევან ბობოხიძეს შიმშილობის შეწყვეტას ურჩევენ

ციხეში მოშიმშილე „ნაციონალური მოძრაობის“ ხონის ორგანიზაციის თავმჯდომარე ლევან ბობოხიძე საპარლამენტო უმცირესობის წევრმა სერგო რატიანმა მოინახულა.
რატიანის თქმით, აუცილებელია ბობოხიძემ შიმშილობა შეწყვიტოს, რადგან ის აფხაზეთის ომის პირველი ჯგუფის ინვალიდია და შიმშილობა მის სიცოცხლეს საფრთხეს უქმნის.
ლევან ბობოხიძე მეოთხე დღეა შიმშილობს. ის ქუთაისის სააპელაციო სასამართლოში სასამართლო პროცესების გაჭიანურებას აპროტესტებს.