თურქეთში პრეზიდენტის საკვებს სპეციალურ ლაბორატორიაში შეამოწმებენ

სტამბულში თვითგადარჩენის ტაქტიკა ამოქმედდა, რომელსაც ფრთხილი მეფეები და ფარაონები იყენებდნენ, თურქეთის პრეზიდენტი საკვების მიღებამდე პროდუქტს ლაბორატორიაში ამოწმებს.
პრეზიდენტ ერდოღანის ექიმმა, სევდეტ ერდოლმა გაამხილა, რომ პრეზიდენტის 600 მილიონად შეფასებულ ექსტრევაგანტულ სასახლეში სადაც 1000 მდე ოთახია, ერთ-ერთი მათგანი დაეთმობა ლაბორატორიას, სადაც შეისწავლიან იმ საკვების შემადგენელ ნაწილებს რომელსაც პრეზიდენტი მიირთმევს. რადიოაქტიული მასალების, საწამლავისა და გარკვეული სახის ბაქტერიებისგან დასაცავად, რომლებიც შეიძლება გამოიყენონ პრეზიდენტის მოსაკლავად.
„ჩვენ ვიცით, მთელს მსოფლიოში მკვლელობები იარაღით აღარ ხდება, მათ ფარულად ატარებენ დაბინძურებული საკვები პროდუქტების მეშვეობით",- აღნიშნა ექიმმა ერდოლმა თურქული გაზეთისთვის მიცემულ ინტერვიუში.
მან ასევე დაამატა, რომ დღეში 14 საათის განმავლობაში ექსპერტები იმუშავებენ იმ საკვებ პროდუქტებზე, რომლებიც პრეზიდენტისთვისაა განკუთვნილი, შეისწავლიან მათ უსაფრთხოებას და ასევე თვალს ადევნებენ საკმარისი რაოდენობით მარგებელ ნივთიერებებს იღებს თუ არა პრეზიდენტი ერდოღანი.

commersant.ge