"უნდა მოვიცილოთ ზედმეტი ფუფუნება", -რეკომენდაცია ქუთაისის მერიას

ქუთაისის ხელისუფლებას ბიუჯეტის თანხების ფუფუნების საგნებისთვის ხარჯვაში ადანაშაულებენ.
არასამთავრობო ორგანიზაცია „ევროპა ჩვენი სახლია“-ს თავმჯდომარე გია გოქაძე აცხადებს, რომ ხელისუფლების მიერ გამოცხადებული „ქამრების შემოჭერის“ პოლიტიკის ფონზე, ქუთაისში ფული ფუფუნებისთვის იხარჯება.
„ქამრების შემოჭერის“ ფონზე, ქუთაისში, მოსწავლე ახალგაზრდობის პარკში მიმდინარეობს პარკის შემოღობვა, რაზეც 6 000-ლარიანი ტენდერია გამოცხადებული. ქუთაისის ბოტანიკურ ბაღში უნდა განთავსდეს იმერული ოდა, რაზეც 42 000 ლარი უნდა დაიხარჯოს ამ გაჭირვების დროს. რომელი „ქამრების შემოჭერაზე“ არის საუბარი?ეს არის გათვლილი კონკრეტულად კონკრეტული სიამოვნებისთვის. ქალაქს სხვა პრობლემები და გამოწვევები აქვს. უნდა მოვიცილოთ ზედმეტი ფუფუნება. უფრო ყაირათიანად მოვიქცეთ საბიუჯეტო სახსრების ხარჯვის დროს,“ - აცხადებს გოქაძე.