ქუთაისის მერიის დაფასება და ფულადი საჩუქრები ქალებს

ქუთაისის მერიას ქალთა დღეს ადგილობრივ თვითმმართველობაში დასაქმებული ქალბატონების წახალისება 18 000 ლარი დაუჯდა.
მერიის ადმინისტრაციული სამსახურის უფროსის ზვიად ჯავახიას თქმით, ადგილობრივი ხელისუფლებისგან საჩუქარი 180-მდე მანდილოსანმა მიიღო.
„8 მარტს მამაკაცები მანდილოსნებს ჩუქნიან საჩუქრებს და ჩვენ გამონაკლისი არ უნდა ვიყოთ. საჩუქრების თანხა პირადი ასიგნებების მუხლიდან წავიდა. გასულ წლებში ქუთაისის მერიაში იყო პრაქტიკა, როდესაც 8 მარტს საჩუქრებს მამაკაცებიც იღებდნენ. ჩვენ ეს მავნე პრაქტიკა გამოვასწორეთ,“ - აცხადებს ზვიად ჯავახია.