"თავისუფალი საქართველო" წყალმომარაგების კომპანიის გაუქმებას ითხოვს

პარტია „თავისუფალი საქართველოს“ იმერეთის ორგანიზაცია ქვეყნის ხელისუფლებას გაერთიანებული წყალმომარაგების კომპანიის გაუქმებისაკენ მოუწოდებს.
წულაიას განცხადებით, პარტიამ 2013 წლის დასასრულს შესაბამისი წერილი 10 000-მდე მოქალაქის ხელმოწერით რეგიონული განვითარებისა და ინფრასტრუქტურის სამინისტროს გაუგზავნა. აღნიშნული უწყებიდან პასუხად მიიღეს, რომ საკითხზე პარლამენტი მუშაობდა.
გოგი წულაიას თქმით, ქუთაისია ერთადერთი დიდი ქალაქი, რომელიც გაერთიანებული წყალმომარაგების კომპანიაში შედის. კომპანიაში არ არის გაერთიანებული ისეთი ქალაქები, როგორიცაა თბილისი, რუსთავი და ბათუმი.
„მთავრობას, რომელმაც ქამრების შემოჭერის პოლიტიკა დააანონსა და ისე გასივდნენ, ამ სიგრძე ქამრები აღარ არის რომ შემოიწირონ, მოვუწოდებ, გაუქმდეს ეს კომპანია. ქალაქი იყოს ვალდებული მოსახლეობისათვის სუფთა და ხარისხიანი წყლის 24-საათიან მიწოდებაზე,“ - აცხადებს წულაია.