ზედიზედ ათჯერ მოპოვებული საქართველოს ჩემპიონობა-ქუთაისელი ჰოკეისტი ქალები

ოზურგეთის სპორტის სასახლეში გამართული საქართველოს ჩემპიონატი ჰოკეიში ქუთაისის ჰოკეისტ ქალთა გუნდის გამარჯვებით დასრულდა.
ჩემპიონატი 28 თებერვლიდან 2 მარტის ჩათვლით მიმდინარეობდა. მასში აჭარის, ქუთაისის, აბაშის და ჩოხატაურის გუნდები მონაწილეობდნენ. პირველი ადგილისთვის ქუთაისისა და აბაშის გუნდები იბრძოდნენ. ქუთაისის გუნდმა ანგარიშით 3:2 გაიმარჯვა და საქართველოს ჩემპიონის ტიტული ზედიზედ მეათედ მოიპოვა.
ქუთაისის გუნდი მომავალ წელს ევროპის საკლუბო ჩემპიონატზე იასპარეზებს, სადაც გუნდს ბულგარეთის, დანიის, შვედეთის და უელსის ჩემპიონები დაუპირისპირდებიან.