"ბიძინა ივანიშვილო გამოდი ხალხში", -ქუთაისში მთავრობის გადადგომას ითხოვენ

იპოთეკური სესხებით დაზარალებულმა მოქალაქეებმა ფეხით მსვლელობის მოწყობის შემდეგ პარლამენტის შენობასთან გადაინაცვლეს."ბიძინა ივანიშვილო გამოდი ხალხში," - ამგვარად სკანირებდნენ პარლამენტის შენობასთან იპოთეკარები, სადაც მთავრობის გადადგომა მოითხოვეს. აქციის მონაწილეები აცხადებენ, რომ ქვეყნის ხელისუფლებამ მათთვის მიცემული დაპირებები უნდა შეასრულოს ან უნდა გადადგეს.
"მთელი საქართველო ვალებშია. მოგვშორდეს უუნარო, ქოფაკი მთავრობა. აღარ გვინდა საქართველოში ცხოვრება," - აცხადებს აქციის ერთ-ერთი მონაწილე რეზო თედორაძე.
იპითეკარების მოთხოვნას გამოსახლებების შეჩერება და გრძელვადიანი, იპოთეკური სესხების გაცემა წარმოადგენს.