„პარლამენტს ტექნოლოგიურ უნივერსიტეტზე სიამოვნებით გავცვლიდი დღესვე“

კოალიცია „ქართული ოცნების“ წევრი ომარ ნიშნიანიძე აცხადებს, რომ ქუთაისში ტექნოლოგიური უნივერსიტეტის განთავსების შანსი დაკარგული არ არის. როგორც დეპუტატი ამბობს, ვისაც გააზრებული აქვს ქუთაისის მომავალი, ამისთვის ყველამ უნდა იბრძოლოს.

ნიშნიანიძის თქმით, პროექტის ავტორს ბიძინა ივანიშვილს ტექნოლოგიური უნივერსიტეტის განთავსების ადგილად თავის დროზე ქუთაისი ჰქონდა განსაზღვრული.

მე ქუთაისში ვცხოვრობ, ქუთაისის გულშემატკივარი ვარ თავიდან ბოლომდე და მინდა რაღაც ფუნქცია ჰქონდეს უფუნქციო ქალაქს. ძალიან დიდი საქმეა. ქუთაისს ვერაფერი გაუწვს ისეთ დიდ სამსახურს, როგორც ეს პროექტი. ახლა საუბარია იმაზე, პარლამენტი გადავიდეს არ გადავიდეს. სიამოვნებით გავცვლიდი ამაში დღესვე. ეს იქნება ტურიზმის ასამუშავებელი ბერკეტი. უნივერსიტეტის მოჰყვება სტუდენტები და ინფრასტრუქტურა,“ - აცხადებს ნიშნიანიძე.

ქალაქში ტექნოლოგიური უნივერსიტეტის აშენების მოთხოვნით ქუთაისში 8 მარტს აქცია სოციალური ქსელის საშუალებით დაიგეგმა.