ხონის სოფელში 82 წლის ქალბატონი საკუთარ სახლში დაიმტვრა

ხონის სოფელ ქუტირში, ავარიულ სახლში მცხოვრები დედა-შვილი დახმარებას ითხოვს.

ლამარა და ეთერ რუხაძეების საცხოვრებელს დანგრეული ხის სახლი წარმოადგენს. სახლს სახურავი ჩამტვრეული აქვს, ხოლო ჩამტვრეული სახურავიდან ჩასული წყლით სახლში იატაკი და ნივთები დაზიანდა.
ეთერ რუხაძის თქმით, სახლის ჩამტვრეულ იატაკში ჩავარდნის შემდეგ დედამ, 82 წლის ქალბატონმა ლამარა რუხაძემ ნეკნები ჩაიმტვრია და საავადმყოფოში მოხვდა.

ეთერ რუხაძე ამბობს, რომ თავშესაფარი მათი მთვარი პრობლემაა.

„ამ სახლში ცხოვრება არ შეიძლება. რომ დავდივართ შეიძლება ნებისმიერ დროს ჩაიმტვრეს იატაკი და ჩავარდე. ასე ჩავარდა დედაჩემი. იქნებ ვინმე დაგვეხმაროს,“ - ამბობს ეთერ რუხაძე.

ხონის მუნიციპალიტეტის გამგეობის სოციალურ სამსახურში აცხადებენ, რომ რუხაძეებს ხონის ტერიტორიაზე დროებით ალტერნატიულ საცხოვრებელს შესთავაზებენ, ხოლო ლამარა რუხაძეს მკურნალობის ხარჯებს დაუფინანსებენ.