ქუთაისში არასტაბილური ამინდები ერთი კვირის განმავლობაში შენარჩუნდება

ქუთაისში მომდევნო ერთი კვირის განმავლობაში არამდგრადი ამინდი შენარჩუნდება.
მეტეოროლოგ გია ფრუიძის თქმით, ამინდის გაუარესება შავი ზღვიდან წამოსულმა ნოტიო, გრილის ჰაერის მასებმა განაპირობა.
მისი თქმით, ტემპერატურა დღის განმავლობაში 10-15, ღამით კი 4-5 გრადუსი იქნება.
"მაღალ მთაში მოსალოდნელია, რომ მოთოვს. ხვალ ქუთაისში შედარებით გამოიდარებს, მომდევნო დღეებში კი წვიმა იქნება. მოკლედ რომ ვთქვათ მომდევნო ერთი კვირა არსტაბილური ამინდები იქნება ქუთაისში,"-აცხადებს მეტეოროლოგი გია ფრუიძე.