"ნარკოტიკი ჩაუდეს. ორი კაცის დაკავებას 45 პოლიციელი ცდილობდა"

ნარკოტიკული ნივთიერება „ჰეროინის“ მოხმარებისთვის მსჯავრდებული პირების ახლობლებმა ქუთაისში აქცია გამართეს.
სააპელაციო სასამართლოსთან შეკრებილი პატიმრების-ბესიკ გოგოლისა და დავით სიჭინავას ახლობლები აცხადებენ, რომ დაკავებულებს ნარკოტიკი პოლიციელებმა ჩაუდეს, ხოლო ახლობლისგან წამოსული ორი პირის დაკავებას 45-მდე სამართალდამცავი ცდილობდა.
ბესიკ გოგოლი და დავით სიჭინავა სამართალდამცავებმა ხობში, 2014 წლის 18 აგვისტოს დააკავეს. პირველი ინსტანციის სასამართლოს გადაწყვეტილებით, დაკავებულებს პატიმრობა შეეფარდათ.
„ნარკოტიკები წყალში ჩაუყარეს და დაალევინეს. 45 კაცი ცდილობდა ორი ადამიანის დაკავებას. საპროცესო შეთანხმების გაფორმებას გვპირდებოდნენ, მაგრამ არ გაუფორმეს. პატიმრები ციხეში შიმშილობენ,“ - ამბობს ბესიკ გოგოლის დედა ნინო გოგოლი.
დაკავებულების ახლობლება პირველი ინსტანციის სასამართლოს გადაწყვეტილება ქუთაისის სააპელაციო სასამართლოში გაასაჩივრეს.