ქუთაისის სასამართლოში ნანა გიგლემიანის მკველობაში ბრალდებულის სასამართლო პროცესი მიმდინარეობს

ქუთაისის საქალაქო სასამართლოში 19 წლის ნანა გიგლემიანის მკვლელობაში ბრალდებული ახალგაზრდის სასამართლო პროცესი მიმდინარეობს.
როგორც გარდაცვლილის დედა რუსუდან ნანავა აცხადებს, მისი მოთხოვნაა დამნაშავე სიკვდილით დაისაჯოს.
„მე არც უვადო პატიმრობა მაინტერესებს და არც 20 წლით დაკავება. ჩემი მოთხოვნაა, რომ მკვლელი სიკვდილით დაისაჯოს. როგორც ჩემი შვილია ახლა მიწაში, ასე უნდა იყოს მისი მკვლელიც,“- აცხადებს გარდაცვლილის დედა რუსუდან ნანავა.
შეგახსენებთ, რომ ნანა გიგლემიანი აღმაშენებლის გამზირზე 6 თებერვალს ავტოავარიის შედეგად გარდაიცვალა. აღნიშნულ საქმეზე შინაგან საქმეთა სამინისტროს საპატრულო პოლიციის დეპარტამენტის იმერეთის მთავარი სამმართველოს თანამშრომლებმა, ჩატარებული საგამოძიებო ღონისძიებების შედეგად, 1990 წელს დაბადებული გიორგი ი. დააკავეს.