"ქართული ოცნების" კადრი თერჯოლაში საკრებულოს თავმჯდომარედ არ აირჩიეს

თერჯოლის საკრებულოში თავმჯდომარის თანამდებობა ორი თვეა ვაკანტურია. აღნიშნული პერიოდის განმავლობაში საკრებულოს წევრებმა ახალი თავმჯდომარის არჩევა სამჯერ სცადეს, თუმცა -უშედეგოდ.
თერჯოლის საკრებულოს თავმჯდომარის თანამდებობაზე პრეტენზიას ავთანდილ ჩუბინიძე აცხადებს. ჩუბინიძე „ქართულ ოცნებას“ წარმოადგენს. ავთანდილ ჩუბინიძეს საკრებულოს თავმჯდომარედ გასახდომად 18 დეპუტატის მხარდაჭერა სჭირდება, თუმცა მან მხოლოდ 14 დეპუტატის მხარდაჭერა მიიღო. საკრებულოს სხდომას იმერეთის ვიცე-გუბერნატორი გიორგი ჭიღვარია და გუბერნიის ადგილობრივი თვითმმართველობის ორგანოებთან ურთიერთობის სამსახურის უფროსი კოტე ლომიძეც ესწრებოდნენ.
„ორი თვეა საკრებულოს თავმჯდომარის მოვალეობას ვასრულებს. მე პირადად შემიზლია გითხრათ, რომ "რესპბიკელებმა" მას მხარი დავუჭირეთ, ვინ არ მისცა მას ხმა ჩემთვის ცნობილი არ არის, რადგან ხმის მიცემა ფარული იყო“ - ამბობს სოფიო ბუსკივაძე.
საკრებულოს თავმჯდომარეობის კანდიდატს მხარს არ უჭერენ „ნაციონალები“. მათი განცხადებით, ჩუბინიძის საკრებულოს თავმჯდომარედ გასახდომად მომხრეების საჭირო რაოდენობა არც „ქართულ ოცნებაში“ ჰყავს.