ხელფასების პრობლემა ქუთაისის მერიაში-ბაღები და მუზეუმი ხელფასების გარეშე დარჩნენ

პარტია "თავისუფალი საქართველოს" იმერეთის ორგანიზაციის თავმჯდომარის გოგი წულაიას თქმით, ქუთაისში, საბავშვო ბაღებსა და მუზეუმებში დასაქმებულებმა ხელფასები ვერ აიღეს. როგორც წულაია ამბობს, ხელფასები უკვე დარიგდა მერიასა და საკრებულოში.
"ამ ადამიანებს ბანკიდან კრედიტები აქვთ გამოტანილი, რაც ლარის გაუფასურების ფონზე, კიდევ უფრო რთულ სიტუაციაში აგდებთ. ნორმალურ ქვეყანაში მერიისა და საკრებულოს თანამშრომლებს უკანალზე წკეპლის რტყმევით გამოყრიდნენ გარეთ, მაგრამ ჩვენ ნორმალური ქვეყანა არ ვართ," - აცხადებს წულაია.
ქუთაისის მერიის საფინანსო სამსახურში აცხადებენ, რომ ამ დროისათვის ხელფასების გარეშე დარჩენილ საჯარო დაწესებულებებს მერიაში შესაბამისი ხარჯთაღრიცხვა არ წარმოუდგენიათ.