სად მიდის იმერეთის პირველი ვიცე-გუბერნატორი?

იმერეთის პირველმა ვიცე-გუბერნატორმა ალექსანდრე იოსებაშვილმა თანამდებობიდან წასვლასთან დაკავშირებით განცხადება დაწერა.
ვიცე-გუბერნატორი ამბობს, რომ ის სახელმწიფო სამსახურიდან კერძო სამსახურში მიდის.
„სახელმწიფო სამსახურიდან წასვლა ჩემი დიდი ხნის ნატვრა იყო და როგორც იქნა, ავიხდენ ამ ნატვრას. პროფესიით არქიტექტორი ვარ, თუმცა იურიდიული მიმართულებითაც გამაჩნია ცოდნა. ძალიან მიყვარს სოფლის მეურნეობა და მინდა ამ კუთხით რაიმე ღირებული შევქმნა,“ - ამბობს იოსებაშვილი.
ვიცე-გუბერნატორის თქმით, სამხარეო ადმინისტრაციაში პირველი პირების როტაცია ნორმალური პროცესია.
„ჩვენ გასულ წელს კარგი შედეგები დავდეთ. ვტოვებთ პროფესიონალების და საქმის მკეთებელი ადამიანების გუნდს,“ - ამბობს იოსებაშვილი.
ცნობისთვის, ალექსანდრე იოსებაშვილმა თანამდებობის დატოვების გადაწყვეტილება იმერეთის გუბერნატორის პოსტიდან ზაზა მეფარიშვილის წასვლის შემდეგ მიიღო. იმერეთის ახალი გუბერანტორი ვაკის გამგებელი გივი ჭიჭინაძე გახდა.