ქუთაისის აკაკი წერეთლის სახელმწიფო უნივერსიტეტი ახალ რექტორს ირჩევს

ქუთაისის აკაკი წერეთლის სახელმწიფო უნივერსიტეტი დღეს ახალ რექტორს აირჩევს. სასწავლებლის აკადემიური საბჭოს სხდომა, სადაც რექტორობის კანდიდატებს მოუსმენენ, 12:00 საათზე არის ჩანიშნული. აკადემიური საბჭოს წევრებს არჩევანის გაკეთება მოქმედ რექტორ გიორგი ღავთაძეს, ყოფილ რექტორ გიორგი ონიანსა და ქუთაისის ყოფილ მერ დიმიტრი კოპალიანს შორის მოუწევთ. მეოთხე კანდიდატმა ბესო მიქელთაძემ კანდიდატურა დიმიტრი კოპალიანის სასარგებლოდ მოხსნა.
მიქელთაძე იმ მიზეზებს განმარტავს, რომელთა გათვალისწინებით აღნიშნული გადაწყვეტილება მიიღო.
"ბატონებო საუბარია 200 მილიონ აშშ დოლარზე, რომელიც უნდა მოხმარდეს აკაკი წერეთლის სახელმწიფო უნივერსიტეტს აღმშენებლობისა და ნოვაციისათვის. ამ თანხის მოძიების ავტორი კი ბატონი დიმიტრი კოპალიანია, ერთ-ერთი საუკეთესო თანამედროვე ქართველი მეცნიერი. ამერიკელები მხოლოდ მას ანდობენ ამ თანხას და არა სხვას. ამიტომ მე ბესო მიქელთაძე პირადულს, სახელმწიფოებრივს და ქალაქურს ვამჯობინებ. მე ამაყი ვარ რომ, ეს გადაწყვეტილება მივიღე," - აცხცადებს მიქელთაძე.
ახალი რექტორის ვინაობა დღის ბოლოსთვის გახდება ცნობილი.