ხონის გამგებელი:ის, რაც გუშინ ხონში მოხდა ჩემთან შეუთანხმებული იყო

ხონის გამგებლის ჯემალ მებუკის თქმით, მუნიციპალიტეტში სამართალდამცველების მიერ ჩატარებული რამდენიმესაათიანი რეიდების შესახებ შინაგან საქმეთა სამინისტროდან ინფორმაციას არ ფლობდა.
მებუკის თქმით, მისი ინფორმაციით, ის ჩვეულებრივი კონტროლი იყო.
"როგორც მე გავიგე, ჩვეულებრივი კონტროლი იყო. შინაგან საქმეთა სამინისტრო მსგავს რეიდებს დამოუკიდებლად ატარებს და მე საქმის კურში არ ვიყავი. მსგავსი რეიდები შესაძლებელია ყველა ქალაქში ხდებოდეს. მოკლედ სხვა ინფორმაცია მე არ მაქვს, კიდევ ერთხელ გეუბნებით, ეს ყველაფერი ჩემთან შთანხმებული არ ყოფილა,"- ამბობს მებუკე.
ცნობისთვის, რამდენიმე საათის განმავლობაში სამართალდამცველების მიერ მანქანების ჩხრეკა მიმდინარეობდა. ჩხრეკდნენ ყველა იმ მანქანას, რომელიც რაიონის ტერიტორიაზე გადაადგილდებოდა. სამართალდამცველები ავტომანქანების მძღოლებისგან ჯერ საბუთებს ითხოვდნენ, ხოლო შემდეგ მანქანებს ათვალიერებდნენ.
topnews.com.ge შინაგან საქმეთა სამინისტროს პრესსამსახუხრთან ტატო კუჭავასთან დაკავშირებას მეორე დღეა ცდილობს, თუმცა ის სატელეფონო ზარებს არ პასუხობს.