სასაქონლო ბირჟა ქუთაისს პარლამენტის ნაცვლად

დეპუტატი თემურ მაისურაძე ხელისუფლებას ქუთაისში მდებარე საქართველოს პარლამენტის შენობაში სასაქონლო ბირჟის განთავსებას სთავაზობს.
უმრავლესობის წევრის თქმით, ბირჟა, რომელიც პარლამენტის შენობაში განთავსდება, მთელ კავკასიაში ცნობილი იქნება. დეპუტატი იმასაც ამბობს, რომ ბირჟის განთავსებას ხელს პარლამენტის შენობის მდებარეობაც უწყობს.
„ამ შენობაში იქნება სასაქონლო აუქციონები და ელქტრონული ტენდერები. აქვე გვაქვს აეროპორტი. მანქანების სადგომებისთვის კარგი ადგილია. ქუთაისის მახლობლად განთავსდება მცირე საწარმოები. ჩვენ ჩავიდეთ და თბილისში, პარლამენტის შენობაში გავაგრძელოთ მუშაობა. ბირჟას თბილისში ვერ მოვაწყობთ, რადგან თბილისი გადატვირთულია. თავკომბალა გახდა თბილისი და მანქანას ვერ გაუვლია,“ - განაცხადა მაისურაძემ.