ქუთაისის მაჟორიტარი პარლამენტის ვიცე-სპიკერი ხდება

მმართველ გუნდში პარლამენტის ვიცე-სპიკერის შეცვლის საკითხზე მსჯელობენ.
ზურაბ აბაშიძე, რომელიც ამ დროისათვის ვიცე-სპიკერის ერთ-ერთ ადგილს იკავებს, "თავისუფალ დემოკრატებს" წარმოადგენს.აბაშიძის შეცვლის საკითხი მას შემდეგ დადგა დღის წესრიგში, რაც "თავისუფალმა დემოკრატებმა" კოალიცია "ქართული ოცნება" დატოვეს.
საპარლამენტო უმრავლესობის ლიდერი დავით საგანელიძე ადასტურებს, რომ გუბაზ სანიკიძე ვიცე-სპიკერის თანამდებობაზე განიხილება. თავად სანიკიძე აცხადებს რომ შეთავაზება მიიღო და სავარაუდოდ დათანხმდება.