პატიმარ ლევან კორტავას გარდაცვალებაში მსჯავრდებულების ადვოკატებმა აქცია გამართეს

გეგუთის #14 სასჯელაღსრულების კოლონიაში გარდაცვლილი პატიმრის ლევან კორტავას საქმეზე მსჯავრდებულების ადვოკატებმა ქუთაისში, პარლამენტის შენობასთან აქცია გამართეს. აქციის მონაწილეები ჯანდაცვის კომიტეტის თავმჯდომარესთან დიმიტრი ხუნდაძესთან შეხვედრას ითხოვენ. ადვოკატების განმარტებით, კორტავას საქმეში ექსპერტიზის ორი დასკვნა დევს. აქედან პირველი დასკვნით, პატიმრის გარდაცვალება კოლონიაში ცემის შედეგად მიღებული დაზიანებებით მოხდა, ხოლო მეორე დასკვნის მიხედვით, ლევან კორტავას გარდაცვალება ექიმების დაუდევრობამ გამოიწვია. შემთხვევა გეგუთის კოლონიაში 2013 წლის 12 მაისს მოხდა, ხოლო კორტავა საავადმყოფოში 23 მაისს გარდაიცვალა.
ცნობისთვის, კორტავას საქმეზე სულ 7 პირია მსჯავრდებული.