სოფელ კურსებში მომხდარი ყაჩაღობისათვის სამი არასრულწლოვანი დააკავეს

იმერეთის სამხარეო სამმართველოსთან სამართალდამცავების მიერ დაკავებული არასრულწლოვნების ახლობლები არიან შეკრებილი. მათი განცხადებით, პოლიციამ სამი არასრულწლოვანი დღეს დააკავა. ოჯახის წევრების ინფორმაციით, არასრულწლოვნები ნაცემები არიან, ხოლო მათი დაკავება ტყიბულის მუნიციპალიტეტის სოფელ კურსებში მომხდარ ყაჩაღობას ეხება.
"ჩვენი შვილების ნახვის საშუალებას არ გვაძლევენ. სახლში ვიყავი, როდესაც პოლიციელები შემოვარდნენ და ჩხრეკა დაიწყეს. რომ ვუთხარი რას აკეთბთ-თქო, მითხრეს, იმ იარაღს ვეძებთ, რომლითაც შენმა შვილიშვილმა ოჯახი დააყაჩაღაო," - ამბობს ერთ-ერთი დაკავებულის ბებია ნინო შენგელია.
დაკავებული არასრულწლოვნები ტყიბულის მუნიციპალიტეტის მვკიდრები არიან.
შსს-ში აცხადებენ, რომ მომხდართან დაკავშირებით განცხადებას მოგვიანებით გაავრცელებენ.