ქუთაისის მერიის პრესსამსახური განცხადებას ავრცელებს

“პარტია „თავისუფალი საქართველოს“ ადგილობრივმა ლიდერმა გოგი წულაიამ საზოგადოება შეცდომაში შეიყვანა,” – ამგვარად ეხმაურება ქუთაისის მერია გოგი წულაიას იმ განცხადებას, სადაც ოპოზიციური პარტიის ერთ-ერთმა ლიდერმა ადგილობრივ ხელისუფლებას თანხების რაციონალურად ხარჯვისაკენ მოუწოდა.

„ საქმე ეხება გუშინ გამართულ პრესკონფერენციას, სადაც წულაიამ ადგილობრივი მთავრობა ბიუჯეტის არამიზნობრივ შედგენაში დაადანაშაულა. სინამდვილეში ოპონენტმა გამოავლინა ელემენტარული საბიუჯეტო კითხვის უცოდინარობა. ჩვენ ვთავაზობთ ბატონ წულაიას ჩვენთან ერთად წაიკითხოს ბიუჯეტის მისთვის საეჭვო მუხლები და შესაბამისად მიიღებს განმარტებებს. საუბარია კლასიფიკაციის კოდის სათაურებზე, რომლის იქით ბატონი გოგი ან არ კითხულობს ან კითხულობს და არ სურს გარკვევა. ასე მაგალითად: ქუთაისის მერიას 410 000 უდევს მებაღჩეობის განვითარებისთვის,თუმცა ეს არის კლასიფიკატორი რომელსაც აქვს პირობითი სათაური და კოდი 773. სათაურის შემდეგ ჩამოშლილია სრული განმარტება თუ რას ნიშნავს მებაღჩეობის განვითარება:
მებაღჩეობასთან დაკავშირებული მომსახურებები -410 000.
მასში შედის, ხე-მცენარეების განაშენიანება-57 400;
ქალაქის ტერიოტორიაზე ბაღების, სკვერების,გაზონების,ფერდობების მოვლა-პატრონობა(კეთილმოწყობა)-352 600;
რესტორნებისა და სხვადასხვა კვების ობიექტების მომსახურებები -61 300( კლასიფიკატორის კოდი 553);
წარმომადგენლობითი ხარჯებიდან კვებითი მომსახურება 32 00 მერია (რაც გულისხმობს დელეგაციის სტუმრობა- გამასპინძლებას).
წარმომადგენლობითი ხარჯებიდან: საბანკეტო მომსახურება, ჯანდაცვა 22 000, რაც გულისხმობს მთელი წლის განმავლობაში სოციალური ღონისძიებების ფარგლებში ბენეფიციართა გამასპინძლებას.
ბუნების წიაღში დასვენება და სხვა ადგილები დაბინავებისთვის სასტუმროს გარდა-70300, რაც გულისხმობს ახალგაზრდობის საქმეთა განყოფილების მიერ ბანაკების ორგანიზებას წლის განმავლობაში 275 ბენეფიციარზე. ბანაკში ყოფნის დრო მოიცავს 10 დღეს.
ავეჯის შესაძენად-142 590 მათ შორის:
საკანცელარიო საქონელი0,390;
საოფისე ავეჯი (საერთო)38 000;
საგამოფენო სტენდებისა დაინვენტარის მომზადება(ტურიზმი ეკონომიკა)32 000;
გასაშლელი მაგიდა და მოლბერტი(კულტურა) 5 500;
ძელსკამები ამხანაგობისთვის(საბინაო)66700.
მეტი ინფორმირებულობისთვის გთავაზობთ კლასიფიკატორის განმარტებას:საერთაშორისო ორგანიზაციების მიერ მიღებული კლასიფიკატორი-ევროკავშირის EC #213/2008 დირექტივით გათვალისწინებული შესყიდვების ერთიანი ლექსიკონია(Common Procurement Vocabulary-CVP), რომელიც ადგენს სახელმწიფო შესყიდვის ობიექტების ერთიან სისტემას და მიზნად ისახავს შემსყიდველი ორგანიზაციების მიერ შესყიდვის ობიექტის აღწერისას გამოყენებული მითითებების სტანდარტიზაციას(შემდგომში -კლასიფიკატორი)“,-ნათქვამია პრესსამსახურის მიერ გავრცელებულ განცხადებაში.