ქუთაისში ელექტროენერგიის მიწოდებაზე შეზღუდვები წესდება

ქუთაისში, ელექტროენერგიის მიწოდების შეზღუდვის კუთხით დაგეგმილი ღონისძიებების შესახებ "ენერგო პრო ჯორჯიას" დასავლეთ საქართველოს ფილიალი მორიგ განცხადებას ავრცელებს.

"მიმდინარე წლის 10-13 თებერვალს ენერგო-პრო ჯორჯიას დასავლეთ საქართველოს ცენტრალური ფილიალის გამანაწილებელ ქსელში დაგეგმილი სამუშაოების გამო ელექტროენერგიის მიეწოდება დროებით შეეზღუდება მომხმარებელთა ნაწილს:

ქუთაისი. მაღალი ძაბვის ქვესადგურში „ქუთაისი-2“ 11 თებერვალს 13:00-15:00 საათამდე პროფილაქტიკური სამუშაოები ჩაუტარდება ფიდერს „თიბისი ბანკი“, ხოლო 12 თებერვალს 11:00-14:00 საათამდე გაითიშება ფიდერი „N24“ და ძაბვა შეუწყდებათ აღმაშენებლის, გრიშაშვილის, ყაუხჩიშვილის, სარაჯიშვილის, ჩეჩელაშვილის, ხანძთელის, გალაქტიონ ტაბიძის, ლორთქიფანიძის, დუმბაძის, ნინოშვილის, რუსთაველის (ნაწილს.), ბარათაშვილის, ფხაკაძის, ნიჟარაძის, ჭიათურის, გაფრინდაშვილის და მიმდებარე ქუჩებზე მცხოვრებ აბონენტებს და აქ განთავსებულ ორგანიზაციებს (დაახლოებით 2500 აბონენტი).

11 და 13 თებერვალს „საქართველოს სახელმწიფო ელექტროსისტემას“ პროფილაქტიკური სამუშაოები აქვს დაგეგმილი მ/ძ გადამცემ ხაზზე „სათაფლია“, რის გამოც აღნიშნულ დღეებში 09:00-18:00 საათამდე გაითიშება ქვესადგური „მოწამეთა“ და ელექტროენერგიის მიწოდება დროებით შეეზღუდება კლდიაშვილის, გელათის და მიმდებარე ქუჩებს და შესახვევებს (დაახლოებით 950 აბონენტი)," - ნათქვამია ორგანიზაციის პრესსამსახურის მიერ გავრცელებულ განცხადებაში.