ხონში უკანონო ნაგავსაყრელს ნარჩენებისაგან წმენდენ

ხონის მუნიციპალიტეტის გამგეობა სოფლების- ივანდიდისა და პატარა ჯიხაიშის დამაკავშირებელი გზის მიმდებარედ არსებული უკანონო ნაგავსაყრელის გაწმენდას ახორციელებს.
პროცესს ადგილზე აკვირდება გამგებლის მოადგილე ოთარ ქაშიბაძე.
სამუშაოები რამდენიმე დღის გაგრძელდება და აღნიშნული ტერიტორია საყოფაცხოვრებო ნარჩენებისაგან გამოთავისუფლდება.
„იმედს ვიტოვებ, მოსახლეობა კეთილგონიერებას გამოიჩენს და კვლავ არ მოხდება ტერიტორიის დანაგვიანება. ერთად უნდა ვიზრუნოთ გარემოზე და დავიცვათ ბუნება,“ - აცხადებს გამგებლის მოადგილე.