"ჩემს გარდაცვლილ შვილს არ დავკრძალავ და მერიასთან დავასვენებ"

ქუთაისში გარდაცვლილის ოჯახის წევრებსა და სამართალდამცველებს შორის დაპირისპირება მოხდა.
ავტოსაგზაო შემთხვევის შედეგად გარდაცვლილის ოჯახის წევრები საქმის გამოუძიებლობას სამართალდამცველებს აბრალებენ.
20 წლის ნანა გიგლემიანის ოჯახის წევრების თქმით, თუ საქმეს დროულად არ გამოიძიებენ, გარდაცვლილს არ დაკრძალავენ და მერიის წინ დაასვენებენ.
"როცა გავიგეთ, რომ ჩემს შვილიშვილს მანქანა დაეტაკა და მივედი ზირს ეგდო, მოფერება მინდოდა და პოლიციელმა ამიკრძალა. შემდეგ კი საქმე მიჩქმალეს, ვინც იჯდა საჭესთან ის ალბათ, რომელიმე პოლიციელის ახლობელია"- ამბობს გარდაცვლილის ბებია ნაირა ნანავა.
მომხდარს შსს ეხმაურებიან, უწყების პრესსამსახურის თქმით, საქმე 276-ე მუხლის მე-5 ნაწილით არის აღძრული და მიმდინარეობს გამოძიება.
შეგახსენებთ, რომ 20 წლის ნანა გიგლემიანი ქუთაისში, აღმაშენებლის ქუჩაზე ტაძრიდან სახლში ბრუნდებოდა, რა დროსაც მას მაღალი სიჩქარით მოძრავი ავტომანქანა დაეჯახა.