ქუთაისში ავტოავარიის შედეგად გარდაცვლილი 20 წლის გოგონას ოჯახმა გზა გადაკეტა

ქუთაისში ავტოავარიის შედეგად გარდაცვლილი 20 წლის გოგონას ოჯახმა გზა გადაკეტა.
20 წლის ნანა გიგლემიანის ოჯახის წევრებმა გზა იმ ადგილზე გადაკეტეს, სადაც რამდენიმე დღის წინ გოგონა გარდაიცვალა.
ოჯახის თქმით, მას "ჯიპის" მარკის ავტომობილით გოგონა დაეჯახა, თუმცა ის ადგილიდან მიიმალა.
„მოვითხოვთ, სასწრაფოდ იქნას გამოძიებული და დაკავებული ჩემი შვილის მკვლელი. მე ვიცი, რომ "ჯიპზე" გოგო იჯდა, თუმცა კვალის დაფარვის მიზნით უპატრონო ბიჭი ჰყავთ დაკავებული. საბერძნეთიდან დღეს ჩამოვედი, მომატყუეს,რომ შენი შვილი ავად არისო. ჩამოვედი და ასეთი სურათი დამხვდა. არავის შევარჩენ ჩემი შვილის მკვლელობას“, - აცხადებს რუსუდან ნანავა.
შეგახსენებთ, რომ 20 წლის ნანა გიგლემიანი ქუთაისში, აღმაშენებლის ქუჩაზე ტაძრიდან სახლში ბრუნდებოდა, რა დროსაც მას მაღალი სიჩქარით მოძრავი ავტომანქანა დაეჯახა.