ტექნოლოგიური უნივერსიტეტის დაარსების ადგილად ხელისუფლებაში ქუთაისს განიხილავენ

ტექნოლოგიური უნივერსიტეტი შესაძლოა ქუთაისში დაარსდეს. ამის შესახებ ინფორმაციას საპარლამენტო უმრავლესობის წევრი ომარ ნიშნიანიძე ავრცელებს.
დეპუტატის თქმით, აღნიშნულ საკითხზე მთავრობაში კომისია მუშაობს. ნიშნიანიძე იმედოვნებს, რომ კომისია გადაწყვეტილებას ქუთაისის სასარგებლოდ მიიღებს.
„საქართველოში არსებობს საზოგადოების მნიშვნელოვანი ნაწილი, ვინც თვლის, რომ ტექნოლოგიური უნივერსიტეტი ქუთაისში უნდა დაფუძნდეს. არსებობს უამრავი არგუმენტი, რომელიც ასეთი უნივერსიტეტის ქუთაისში განთავსების სასარგებლოდ მეტყველებს. ეს არგუმენტები გამომდინარეობს ქვეყნის თანაბარსივრცულად განვითარებისა და რეგიონული განვითარების სტრატეგიიდან", - განაცხადა ომარ ნიშნიანიძემ.