გეგუთში, თამარის ციხეზე, არქეოლოგიური სამუშაოები დაიწყება

წყალტუბოს რაიონის სოფელ გეგუთში, თამარის ციხეზე, არქეოლოგიური სამუშაოები დაიწყება.
ამის შესახებ ინფორმაცია წყალტუბოს გამგეობას კულტურული მემკვიდრეობის ეროვნული სააგენტოს დირექტორის მოადგილემ პაატა გაფრინდაშვილმა მიაწოდა.
მის თქმით, ამ ეტაპზე ძეგლის კონსერვაციის სამუშაოები ხორციელდება, რომელიც 2014 წლიდან მიმდინარეობს გეგუთის სასახლის არქიტექტურის დაზიანებულ ნაწილების აღსადგენად.
"უკვე დასრულდა სასახლის დანგრეული გალავნის აღდგენის სამუშაოები. დასრულებულია სასახლის ფასადის განათებაც. იგეგმება სასახლემდე მისასვლელი გზის განათების სამუშაოებიც. ამჟამად გრძელდება ძეგლის კონსერვაციის სამუშაოები, რომელიც 2014 წლიდან მიმდინარეობს გეგუთის სასახლის არქიტექტურის დაზიანებულ ნაწილების აღსადგენად. ასევე სულ მალე თამარის ციხეზე არეოლოგიური სამუშაოები დაიწყება", - აცხადებს პაატა გაფრინდაშვილი.
შეგახსენებთ, რომ თამარის ციხე მე-12 საუკუნით თარიღდება.