ქუთაისის მერმა ჰუმანიტარული ტვირთის დარიგება დაიწყო

ქუთაისის მერი შოთა მურღულია საფიჩხიისა და ქალაქ- მუზეუმის მაჟორიტარებთან ერთად სოციალურად დაუცველ ოჯახებში მივიდა და ჰუმანიტარული დახმარება მიიტანა. ოჯახებს რომელთაც სოციალურად უჭირთ და ოჯახში შეზღუდული შესაძლებლობის მქონე პირი ჰყავთ, ძვირადღირებული სპეციალური ელექტროსაწოლი გადაეცათ.
„ჩვენ წინასწარ შევისწავლეთ მათი საჭიროება. ვფიქრობთ, ეს საწოლები შეზღუდული შესაძლებლობის მქონე ადამინებს პირობებს შეუმსუბუქებს,” - აღნიშნა შოთა მურღულიამ.
ელექტროსაწოლები ჰოლანდიაში მოქმედმა საერთაშორისო ორგანიზაციამ „გული საქართველოსთვის“ ჰუმანიტარული ტვირთის სახით გადასცა ქალაქს.