სოფელ მეორე სვირში მცხოვრები 200-მდე ოჯახი საძოვრის გარეშე დარჩა

ზესტაფონის მუნიციპალიტეტის სოფელ მეორე სვირის მოსახლეობამ საპროტესტო აქცია გამართა. ადგილობრივების თქმით, 18 ჰექტარი მიწის ფართობი, რომელსაც ისინი საძოვრებად იყენებდნენ, ადგილობრივმა ხელისუფლებამ გაასხვისა. აქციის მონაწილეები იმასაც ამბობენ, რომ საძოვრების მფლობელმა კომპანიამ "საპოვნელამ" ტერიტორიაზე კარიერის მოწყობა დაიწყო.
"პირუტყვი დაგვეხოცება. 200 ოჯახის პირუტყვი ამ საძოვრებზე ბალახობს. მათი გამოკვება შეუძლებელი გახდება. თუ ჩვენს პრობლემაზე რეაგირებას არ მოახდენენ, ქუთაისი-ზესტაფონის ცენტრალურ მაგისტრალს გადავკეტავტ. ხელისუფლებას დახმარებისთვის ბევჯერ მივმართეთ, მაგრამ -უშედეგოდ," - ამბობს ადგილობრივი გია მანაგაძე.