ხონის რამდენიმე სოფელს სასმელად უვარგისი წყალი მიეწოდება

ხონის მუნიციპალიტეტის გამგებელი ჯემალ მებუკე ხონის სოფლების: ძეძილეთის, გელავერის, გვაშტიბისა და ჩაის მეურნეობის მოსახლეობას აფრთხილებს.
გამგებლის თქმით, გასულ წელს აღნიშნულ სოფლებში სასმელი წყლის სისტემების მონტაჟი განხორციელდა, თუმცა მოსახლეობას ამ დრომდე სასმელად უვარგისი, ტექნიკური წყალი მიეწოდება.
„იმისათვის, რომ თავიდან ავიცილოთ ნაწლავური ინფექციები და სხვა სახის პრობლემები, მოსახლეობას მივმართავთ, რომ სასმელად არ გამოიყენონ აღნიშნული წყალი. ჩვენ ვმუშაობთ, რათა პრობლემა მოვაგვაროთ და მოსახლეობას სასმელად ვარგისი, სუფთა წყალი მივაწოდოთ,“ - ამბობს მებუკე.