სოფელ საიმედოს მოსახლეობას მთვრალი მძღოლები ძროხებს უხოცავენ

ბაღდათის მუნიციპალიტეტის სოფელ საიმედოში მაცხოვრებლებს მსხვილფეხა რქოსან პირუტყვს უხოცავენ.
ადგილობრივები ყვებიან, რომ ბაღდათი-ქუთაისის ცენტრალურ გზაზე მოძრავი არაფხიზელ მდგომარეობაში მყოფი მძღოლები პირუტყვს ეჯახებიან და კლავენ.
"ჩვენი ოჯახების მარჩენალი ძროხაა. კარგი ძროხა 1 000 ლარზე ნაკლები არ ღირს. მოგვიკლავენ ძროხებს და პოლიცია კიდევ ძროხის პატრონს აჯარიმებს," - ამბობენ ადგილობრივები.
სოფელ საიმედოში, რომელიც ბაღდათი-ქუთაისის დამაკავშირებელ გზაზე მდებარეობს, 60-მდე ოჯახი ცხოვრობს.