„ტორპედომ“ „ირტიში“ დაამარცხა

ქუთაისის „ტორპედომ“, რომელიც შეკრებას თურქეთში გადის, ამხანაგურ მატჩში ყაზახური „ირტიში“ 2:0 დაამარცხა.
მე-20 წუთზე ქუთაისელები დავით კირკიტაძემ დააწინაურა, მე-40-ეზე კი ყახახთა კარი ოთარ კვერნაძემ დალაშქრა. „ტორპედოს“ გატანა მეორე ტაიმშიც შეეძლო, მაგრამ შესვენებამდე დაფიქსირებული ანგარიში აღარ შეცვლილა.
აღსანიშნავია, რომ „ირტიშის“ კარს ქართული წარმოშობის მეკარე დავით ლორია იცავდა.
„ტორპედომ“ ამ შემადგენლობით ითამაშა: შეყრილაძე, ბანძელაძე (იოსელიანი 70), ჭელიძე, ადამაძე, ჩიკვილაძე (კაპიტანი), გოგიჩაიშვილი (მირცხულავა 80), კლიმიაშვილი (ქებაძე 70), ტუღუში (ბაბუნაშილი 61), კირკიტაძე (ზივზივაძე 65), საბანაძე (ნ. კვასხვაძე 72), კვერნაძე (ვ. კვარაცხელია 46).
დღეს საღამოს გიორგი დარასელიას გუნდის მეტოქე სამხრეთკორეული „ჟეჟუ იუნაიტედი“ იქნება.