"თავს დავიწვავ ასე ცხოვრება აღარ შემიძლია"

ქუთაისის მერიის წინ ქალბატონი თვითმკვლელობით იმუქრება.
სვეტლანა ახალიას თქმით, მას და მის დისშვილს გოჩა ჩირაძეს 2 საცხოვრებელი კორპუსი იპოთეკაში აქვთ ჩადებული ახლა კი მას სამსახურიდან გათავისუფლებით ემუქრებიან.
„ დღეს ჩემი დისშვილი დასუფთავების კომპანიაში "ქუთსერვის ჯგუფში" მივიდა და უთხრეს, რომ სამსახურიდან გათავისუფლებული ხარო. უკიდურეს გაჭირვებაში ცხოვრობს 2 სახლი იპოთეკაში გვაქვს ჩადებული ამათმა კიდე სამსახურიდან გამოაგდეს. რომ მივედი კომპანიის უფროსთან გელა გაგუასთან და ვუთხარი რატომ გაუშვით სამსახრუდანთქო ასე მითხრა გაჩერდი, თორემ შენც მიგაყოლებო,“- აცხადებს სვეტლანა ახალია.
"ქუთსერვის ჯგუფში" აცხადებენ, რომ სვეტა ახალაია სამსახურიდან გათავისუფლებული არ არის, ხოლო რაც შეეხება დისშვილს გოჩა ჩირაძეს აცხადებენ, რომ ის სამსახურეობრივ უფლებამოსილებას არაჯეროვნად ასრულებდა.
" ბატონ გოჩა ჩირაძეს არაერთხელ მიეცა გაფრთხილება დირექტორის მხრიდან სამსახურეობრივი მოვალეობის არაჯეროვნად შესრულების გამო. ამ ეტაპზე, შპს"ქუთსერვის ჯგუფს" შეეცვალა სამართლებრივი სტატუსი და ის გარდაიქმნა "ააიპ-სპეციალური სერვისების" სამსახურად, რის გამოც მასთან ხელშეკრულების გაგრძელება აღარ მოხდა სამსახურეობრივი სპეციფიკიდან გამომდინარე,"- აცხადებს ""ააიპი-სპეციალური სერვისების" საზოგადოებასთან ურთეთობის სამსახურის უფროსი გიორგი მჟავანაძე.