რატომ არ გაუმართლა ქუთაისს?-ევროპის ჩემპიონატი ქუთაისის გარეშე ტარდება

ქვეყნის სიდიდით მეორე ქალაქი ქუთაისი ევროპის ჩემპიონატის მასპინძელი ქალაქების სიაში ვერ მოხვდა. აღნიშნულ ფაქტს ქუთაისში მოქმედი არასამთავრობო ორგანიზაციების მხრიდან შეფასებები მოჰყვა.
„საზოგადოებრივი ინტერესების დაცვის ცენტრის“ ხელმძღვანელი სულხან ქობულაძე თვლის, რომ „სიდიდით მეორე, ხოლო სპორტული ტრადიციებით ყველაზე წარმატებული ქალაქი ქუთაისი ვერ მოხვდა მასპინძელი ქალაქების სიაში. დამეთანხმებით კომენტარი ზედმეტიც კი არის,“ - ამბობს ქობულაძე.
არასამთავრობო ორგანიზაცია „ევროპა ჩვენი სახლიას“ თავმჯდომარე გია გოქაძე თვლის, რომ ქუთაისის ადგილობრივმა ხელისუფლებამ სათანადო ყურადღება არ გამოიჩინა. ორგანიზაციაში იმასაც ამბობენ, რომ „ქართულმა ოცნება“-მ ქუთაისი გაწირა.
ცნობისთვის, 2017 წელს საქართველო ევროპის U19 ჩემპიონატს უმასპინძლებს. ჩემპიონატი საქართველოს ოთხ ქალაქში- თბილისში, მცხეთაში, გორსა და რუსთავში ჩატარდება.