ქუთაისში ორ ახალ ბაღს აშენებენ

ქუთაისში ორი ახალი ბაღი შენდება.ავტოქარნისა და სულხან-საბას დასხლებებში მშენებარე ბაგა-ბაღები ქუთაისის მერმა შოთა მურღულიამ დაათვალიერა. სკოლამდელ დაწესებულებებს ტენდერში გამარჯვებული კომპანიები შ.პ.ს ,,ჯი-თი-აი 2007“ და ,,გილომარი 2“ აშენებენ.
პროექტი რეგიონალური განვითარების ფონდიდან ფინანსდება. სულხან-საბას დასახლებაში 2 -სართულიანი ბაღის მშენებლობა 452 542 ლარი ჯდება. შენობა 2015 წლის მაისში უნდა ჩაბარდეს. სულხან-საბას დასახლების მსგავსად, ორსართულიანი ბაღი შენდება ავტოქარხანაში. ობიექტის მშენებლობისთვის 494 000 ლარია გათვალისწინებული. აღნიშნული ობიექტის მშენებლობა მიმდინარე წლის მარტში უნდა დასრულდეს. თითოეული ბაღი 140 აღსაზრდელზე იქნება გათვლილი.