რა დამსახურებისთვის დანიშნეს კონკურსზე ჩაჭრილები ბაღდათის მუნიციპალიტეტში?

ბაღდათის მუნიციპალიტეტის გამგეობის შენობის წინ მუნიციპალიტეტში ჩატარებული კონკურსის შედეგებით უკმაყოფილო პირებმა საპროტესტო აქცია გამართეს.
აქციის მონაწილეთა თქმით, მათ კონკურსის ყველა ეტაპი გაიარეს, თუმცა თანამდებობებზე ის ადამიანები აღმოჩნდნენ, რომლებმაც ვერც ტესტირერების და ვერც გასაუბრების ეტაპი დაძლიეს.
„გასაუბრებაზე მითხრეს, რომ ვერ დამნიშნავდნენ, რადგან არჩევნებზე ბაღდათის გამგებელს ირაკლი გეგეშიძეს მხარს არ ვუჭერდი. სამაგიეროდ გაიმარჯვეს წერა-კითხვის უცოდინარმა ხალხმა,“ - ამბობს კონკურსანტი მანანა ქოჩიაშვილი.
აქციის მონაწილეთა ბრალდებებზე ბაღდათის ადგილობრივ ხელისუფლებაში კომენტარს იმ მიზეზით ვერ აკეთებენ, რომ გამგებელი და საკონკურსო კომისიის თავმჯდომარე შენობაში არ იმყოფებიან.