ქუთაისის მერიაში მომხდრ ინცინდენტს სახალხო დამცველი შეისწავლის

ქუთაისის მერიაში, მერიის დაცვის უფროს ინსპექტორს იმედა კირკიტაძესა და ქალაქის საკრებულოს წევრს კახი დვალიშვილს შორის მომხდარ ინცინდენტს სახალხო დამცველის აპარატი შეისწავლის.
როგორც topnews.com.ge-ს სახალხო დამცველის რწმუნებულმა მადონა ბასილაძემ განუცხადა, ომბუდსმენის აპარატი აღნიშნული საქმის მიმართ ინტერესს იჩენს.
„თუ ადამიანი თვლის, რომ მისი უფლება დაირღვა და მოგვმართავს, ჩვენ დეტალურად შევისწავლით საქმეს,“ - ამბობს ბასილაძე.
ქუთაისის მერიის დაცვის უფროსი ინსპექტორი იმედა კირკიტაძე სამსახურიდან გაათავისუფლეს. კირკიტაძემ სამუშაო ადგილი ქუთაისის საკრებულოს დეპუტატის, კოალიცია „ქართული ოცნების“ წარმომადგენლის კახი დვალიშვილის ავტომანქანის პარკირებასთან დაკავშირებით მომხდარი ინცინდენტის შემდეგ დაკარგა.