წყალტუბოს რაიონის მოსახლეობა დაბალი ფასის გამო მწვანილს კრეფს და ყრის

წყალტუბოს რაიონის მოსახლეობა დახმარებას ითხოვს.
სოფლების მცხოვრებლები ამბობენ, რომ წინა წლებთან შედარებით სათბურში დათესილ მწვანილს დაბალი ფასი აქვს, რის გამოც ისინი ბანკიდან გამოტანილ სესხებს ვეღარ ფარავენ.
ადგილობრივების მტკიცებით წელს მწვანილის ფასი ერთი ლარია, თუმცა მყიდველი რეალურად აღარ არსებობს.

"აგროსესხები გამოვიტანეთ ბანკებიდან, რომ სათბურები გაგვეკეთებინა. ზოგს 5 სათბური გვაქვს, ზოგს 7 და ა.შ. იმდენად დაბალი ფასი აქვს მწვანილს, რომ სესხსაც ვერ ვისტუმრებთ, ამიტომ სახლების და უძრავი ქონების გაყიდვის საფრთხე გვიდგას. ხელისუფლებას ვთხოვთ, რომ ან ერთჯერადად ფინანსურად დაგვეხმაროს, ან კიდევ საბანკო სესხები გადაგვადოს. სოფლის მოსახლეობა გზის გადაკეტვას ვგეგმავთ, იქნებ ასე მაინც მივიქციოთ მათი ყურადღება. ", - აცხადებს ადგილობრივი ტარიელ ლომიძე.