ქუთაისში საკრებულოს ყოფილი თავმჯდომარის სახელობის ტურნირი დაარსდა

ქუთაისში, ქალაქის საკრებულოს ყოფილი თავმჯდომარის ლევან კირკიტაძის ხსოვნისადმი მიძღვნილი ტურნირი ყოველწლიურად ჩატარდება.
ტურნირი, რომელიც მოფარიკავეებისათვის არის განკუთვნილი, დღეს გაიხსნა და სამი დღის განმავლობაში გაგრძელდება. მასში მონაწილეობას მოფარიკავეები მთელი ქვეყნის მასშტაბით მიიღებენ.
ტურნირის გახსნას ლევან კირკიტაძის ოჯახის წევრები და ადგილობრივი ხელისუფლების წარმომადგენლები ესწრებოდნენ.
ტურნირის გახსნის დღეს გამარჯვება ქუთაისელმა მოფარიკავეებმა მოიპოვეს. ლევან კირკიტაძის ხსოვნისადმი მიძღვნილი ტურნირი ყოველწლიური იქნება.
ცნობისთვის, ლევან კირკიტაძე ფარიკაობის იმერეთის ორგანიზაციის პრეზიდენტი იყო.