'ხვალ შეიძლება მეც მომკლან'- აქცია ქუთაისის მერიასთან

თარიღი : 22-01-2015, 13:56 | კატეგორია: ახალი ამბები, მთავარი თემა

ქუთაისის ადგილობრივი თვითმმმართველობის შენობასთან არასამათავრობო ორგანიზაციებისა და პოლიტიკური პარტიების წარმომადგენლებმა, რიგით ქუთაისელებთან ერთად აქცია გამართეს.
აქციის მონაწილეები, ორი დღის წინ კასპის რაიოინში საკუთარი შვილის საფლავზე აფეთქებული იური ვაზაგაშვილის მკვლელოიბას აპროტესტებდნენ. მათი თქმით ქვეყანაში არასტაბილური ვითარებაა და შესაძლებელია "უბედური შემთხვევის" მსხვერპლი ნებისმიერი მათგანი აღმოჩნდეს.
"ხვალ შეიძლება მეც მომკლან, რადგან დაუცველ ქვეყანაში ვცხოვრობთ. ის რაც რამდენიმე დღის წინ, კასპის რაიონში მოხდა როგორც ხელისუფლების, ასევე მთელი ქვეყნის შეურაცხყოფაა. მოვითხოვთ სასწრაფოდ მოხდეს ამ საქმის გამოძიება და დადგინდეს თუ ვინ დაუკვეთა და შეასრულა ეს დაგეგმილი მკვლელიბა", - განაცხადა აქციის მონაწილემ სვეტლანა ახალიამ.
ქუთაისის მერიასთან გამართულ აქციას იპოთეკით დაზარალებულებიც შეუერთდნენ. მათი თქმით, ხელისუფლების მისამართით ბოლო პერიოდში გაკეთებული კომენტარების გამო ეშინიათ, რომ ანალოგიური შემთხვევის მსხვერპლები თავად არ აღმოჩნდნენ.
იური ვაზაგაშვილი 20 იანვარს კასპის რაიონის სოფელ ყარაფილაში შვილის საფლავზე აფეთქების შედეგად გარდაიცვალა.

ნანახია: 1778-ჯერ