ტყიბულის რაიონში საჯარო სკოლა დაიწვა

ტყიბულის რაიონის სოფელ ჯვარისაში, გუშინ გვიან ღამით ორსართულიანი სკოლის შენობაში ხანძარი გაჩნდა და სკოლა დაიწვა.

პირველადი ინფორმაციით, შენობის სხვენზე ცეცხლი სავარაუდოდ, ელექტროგადამცემ ხაზებს გაუჩნდა.

როგორც topnews.com.ge-ს სოფლის მაცხოვრებლებმა განუცხადეს, სასწავლო პროცესი სკოლაში სავარაუდოდ, კიდევ რამდენიმე დღე შეჩერდება, ამის შემდეგ კი მოსწავლეებს ალტერნატიულ შენობაში გადაიყვანენ.