იმერეთის გუბერნია ჯანდაცვის სამინისტროს გამოწვევას უერთდება

იმერეთის გუბერნატორის ადმინისტრაცია იღებს ჯანდაცვის სამინისტროსა და მინისტრ დავით სერგეენკოს გამოწვევას და C ჰეპატიტის აღმოფხვრისკენ მიმართულ საყოველთაო კამპანიას უერთდება.

"კამპანიის მიზანს დაავადების მკურნალობის ხელმისაწვდომობა და ახალი შემთხვევების აღმოცენების მინიმუმამდე დაყვანა წარმოადგენს. პროცესის ეფექტურობისთვის საზოგადოების, რაც შეიძლება დიდი ნაწილის მობილიზება არის აუცილებელი და შესაბამისად, თითოეული უწყებისა თუ ადამიანის ჩართულობა განსაკუთრებით მნიშვნელოვანია", - განაცხადა იმერთში სახელმწიფო რწმუნებულის – გუბერნატორის მოადგილემ იოსებ ხახალეიშვილმა.

2015 წლის მთავარი გამოწვევა მთვარობისთვის საქართველოში C ჰეპატიტის სრული ელიმინაციაა. უპრეცედენტო პროექტის მიზანი არა მხოლოდ მედიკამენტების მიწოდება, არამედ სწორი დიაგნოსტიკა-მკურნალობაა, რაც პირველ რიგში გულისხმობს დაავადების პრევენციას, დაავადებულთა სამკურნალო მედიკამენტით უზრუნველყოფასა და სერვისების მაქსიმალურად მაღალი ხარისხით მიწოდებას.