დატოვა თუ არა იმერეთის გუბერნატორმა თანამდებობა?

იმერეთის გუბერნატორი ზაზა მეფარიშვილი არ ადასტურებს ინფორმაციას იმის შესახებ, რომ მან თანამდებობა დატოვა.
როგორც მეფარიშვილმა topnews.com.ge-ს განუცხადა, მოარული ხმები იმის შესახებ, რომ ის გუბერნატორის თანამდებობიდან გადააყენეს, მასაც სმენია, თუმცა აცხადებს, რომ ეს ყველაფერი აბსურდია.

„ამჯერად უბრალოდ გამათავისუფლეს და არსად არ გადამიყვანეს, თუ დამაწინაურეს? მეც მსმენია მაგის შესახებ. მინდა გითხრათ, რომ ვრჩები თანამდებობაზე და ვაგრძელებ მუშაობას. პრემიერთან შეხვედრა გვქონდა და ჩვენ ჩვეულებრივად ვაგრძელებთ საქმიან ურთიერთობას. დიდი მალდობა, რომ პირადად დამირეკეთ და გადაამოწმეთ", - აცხადებს ზაზა მეფარიშვილი.
ცნობისთვის ქუთაისის ადგილობრივ თვითმმართველობაში დღის განმავლობაში თანამშრომლები საუბრობდნენ, რომ იმერეთის გუბერნატორმა სავარაუდოდ თანამდებობა დატოვა.