ქუთაისში მცხოვრები უსახლკარო ადამიანები მერიას კარვების მოწყობას სთხოვენ

ქუთაისში მცხოვრები უსახლკარო ადამიანები ქალაქის ადგილობრივ ხელისუფლებას კარვების მოწყობას სთხოვენ.
როგორც topnews.com.ge-ს საცხოვრებელი სახლების გარეშე დარჩენილი ადამიანები უცხადებენ, ისინი დაბალი ტემპერატურის მიუხედავად ღამეს ქუთაისში არსებულ სკვერებში, სადარბაზოებსა და მიტოვებულ შენობებში ათევენ.
" თუ კარგი ამინდია მერიის წინ არსებულ სკვერში ვიძინებ, თუ წვიმაა რომელიმე კორპუსის სადარბაზოში შევდივარ. ძალიან გვცივა, მაგრამ რა უნდა ვქნათ. დღე მოწყალებას შუქნიშნებთან გაჩერებულ მანქანის მძღოლებს ვთხოვთ,"- ამბობს ოთარ რაძმაძე.
სახალხო დამცველის წარმომადგენელი მერიას უსახლკაროებისათვის თავშსაფრის მოწყობის რეკომენდაციის მიმართავს, მისი თქმით ქალაქის მასშტაბით რამდენიმე ადამიანს ღამის ქუჩაში გატარება უხდება.
" სასურველი იქნება თუ ქუთაისის მერია მიიღებს გადაწყვეტილებას, რომ კარვები მოაწყოს. მაგრამ აუცილებელია ეს კარვები შარშანდელისგან განსხვავებით უფრო კეთიმოწყობილი იყოს. შარშან ჩვენ გვახსოვს, რომ იქ მცხოვრები ბენეფიციარები ამბობდნენ, რომ კარვებში წყალი ჩამოდიოდა და სანიტარული ნორმები დარღვეული იყო"- აცხადებს სახალხო დამცველის აპარატის იმერეთის რწმუნებული მადონა ბასილაძე.
ქალაქის მერიაში კი აცხადებენ, რომ უსახლკაროებისათვის კარვები იმ შემთხვევაში მოეწყობა, თუ მათ საცხოვრებელი სახლების გარეშე დარჩენილი ადამიანები წერილობით მიმართავენ.