იმერეთის სამხარეო ადმინისტრაციას შინაგან საქმეთა სამინისტრომ მანქანები გადასცა

იმერეთის სამხარეო ადმინისტრაციას შინაგან საქმეთა სამინისტრომ სამი მანქანა გადასცა.
იმერეთის გუბერნატორის ზაზა მეფარიშვილის განცხადებით, გუბერნიის ავტოპარკის მდგომარეობა ასახარბიელოა. კერძოდ, მეფარიშვილის განმარტებით, მხარის პირველი პირის თანამდებობაზე დანიშვნისას მან 10 ავტომანქანა ჩაიბარა, რომელთაგან როგორც ზაზა მეფარიშვილი ამბობს, გადაადგილება მხოლოდ სამი მანქანით შეიძლებოდა.
"იმ სამ მანქანას, რომელიც მე და ჩემს მოადგილეებს გვემსახურება, კაპიტალური რემონტი ჩავუტარეთ. 7 მანქანა კი იმ დღეში იყო, სადმე რომ წაგეყვანა, მარაგი ნაწილები თან უნდა წაეღო. ამ მანქანების ამოცვლაზე ვმუშაობთ ისე, რომ ერთი მანქანი მაინც მივიღოთ. გვინდა, რომ გუბერნიაში არსებულ ყველა სამსახურს თავისი მანქანა ჰყავდეს. სამსახურის უფროსები თუ არ გადაადგილდნენ, სამხარეო ადმინისტრაცია სტატისტიკის სამსახურს დაემსგავსება. ის მანქანებიც დაგვეხმარება, რომელიც შინაგან საქმეთა სამინისტრომ გადმოგვცა. 2003 წლის მანქანებია და ძალიან კარგ მდგომარეობაში არის," - განაცხადა ზაზა მეფარიშვილმა.