იმერეთის სამხარეო სამმართველოს დეტექტივების სამმართველოს უფროსი: არ ვიცი ვინ ვარ

პარლამენტში უმცირესობის წევრის აკაკი ბობოხიძის გამოსვლას ჩხუბი მოჰყვა. მან არაკორექტული სიტყვები გამოიყენა, რასაც დეპუტატებს შორის ჯერ სიტყვიერი დაპირისპირება, შემდეგ კი შეხლა-შემოხლა მოჰყვა.
სოსო ჯაჭვლიანს, დავით ლორთქიფანიძესა და აკაკი ბობოხიძეს შორის ფიზიკურ დაპირისპირებაში თითქმის ყველა დეპუტატი ჩაერთო. მანდატურები ვერ ახერხებდნენ მათ გაშველებას, რის გამოც პარლამენტის თავმჯდომარემ სხდომა რამდენიმე წუთით გადადო.
ადგილზე ასევე იმერეთის სამხარეო პოლიციის წარმომადგენლები იმყოფებოდნენ.
ჟურნალისტების ყურადღება საკანონმდებლო ორგანოში იმერეთის სამხარეო სამმართველოს დეტექტივების სამმართველოს უფროსმა ნიკოლოზ დიასამიძემ მიიქცია, თუმცა მან სამართალდამცველი ორგანოს წარმომადგენლობა უარყო.
" არ ვარ სამართალდაცმველი. ვერ გეტყვით ვინ ვარ. არ ვიცი რატომ ვარ. თავი გამანებეთ,"- აცხადებს დიასამიძე.