რა ხდება იმერეთში? 24.12.2014

თარიღი : 23-12-2014, 23:51 | კატეგორია: ახალი ამბები, ანონსი

12 საათი- ქუთაისის ილია ჭავჭავაძის სახელობის სამეცნიერო ბიბლიოთეკაში გაიმართება პროექტის "ლიტერაცია" გამარჯვებულთა დაჯილდოვება. პროექტი რადიო ''ძველ ქალაქში" სამი თვის მანძილზე ხორციელდებოდა. მისი მიზანია აამაღლოს საზოგადოებაში წიგნიერების დონე. პროექტის ფარგლებში მიმდინარეობდა ვიქტორინა ქართველი კლასიკოსი და თანამედროვე მწერლების ნაწარმოებებზე დაყრდნობით. ვიქროტინა რადიო "ძველი ქალაქისა" და სამეცნიერო ბიბლიოთეკის ერთობლივი პროდუქტი იყო, რომლის დაჯილდოვების სპონსორია გამომცემლობა "დიოგენე".

15:00 საათი- ქუთაისის მე-8 საქალაქო ბიბლიოთეკაში გაიამრთება პრესკონფერენცია, სადაც შეზღუდული შესაძლებლობების მქონე პირთა ლიგა წარადგენს თავმჯდომარეს და გაფორმდება მემორანდუმი ამავე ბიბლიოთეკასთან. ასევე, ლიგა იმ სიახლეებს გააჟღერებს, რომელიც სამომავლოდ აქვთ დაგეგმილი.

თუ გსურთ თქვენს მიერ დაგეგმილი ღონისძიებების შესახებ ინფორმაციის წინასწარ გავრცელება, გთხოვთ შესაბამისი ტექსტი გამოგვიგზავნოთ სააგენტოს ელექტრონულ ფოსტაზე: topnewscomge@gmail.com

ნანახია: 1857-ჯერ